تحجر الحليب بالثدي آش ندير؟
تحجر الحليب فالثدي (البزولة) لي غالبا ما كتعاني من الام بعد الولادة بيومين او ثلاة أيام،كتحس بثدي ديالها تقيل عليها و عامر وتقيل، كيحرق و سخون عند اللمس،هادشي عادي كنطمأنك ولكن مخصوش يبقا حيت يقدر يعطي مضاعفات. هداك راه غير الحليب لي تنتج بشكل أكبر من احتياجات الطفل أو كان موجود فالثدي و الطفل مرضعوش، وبقا منحصر في الثدي.
الحل إدا:
١نعطي طفلي يرضع من التدي لي محني باش يعاوني نخويه
٢ناخد حمام دافئ و نحاول نخرج الحليب من بزولة
٣ ناخد توب قطني مبلل بالماء البارد و نديرو على البزولة بعد الرضاعة باش نبرد الحريق
٤ اذا والو حتا حاجة منفعت ندير اوراق المكور (ليشو) على التدي حتا يدبال و انشاء الله فحال الى كنتو كتكدبو دقة بطلة كيف كنقولو.
٥اذا مقدرتيش على الالم طلبي من الطبيب يعطيك مهدئ للالم يجي مع الرضاعة.
شجعوني إذا أعجبكم الموضوع. شكرا
--------------صفاء ممرضة و مساعدة رضاعة طبيعية------------------
